Dialuna anochi a drenta informe di cu un hoben a resulta herida pa un piedra manda riba auto dal un hoben inocente bandi di su kashi wowo coriendo peliger di perde su bista sinta den e pasando na Seroe Pita, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso di baldadi cu ta tira piedra riba e autonan pasando. Pa e caso aki e piedra a bay dal un hoben sinta na banda den un auto y esaki a causa un susto enorme pa e dama na stuur cu tin fobia di wak sanger. E sanger a spart riba e dama chauffeur y e piedra tambe a dal e. E dama a para un poco mas pazuid y a drenta den panico gritando fuertemente. Un bisiña a sali y a bati alarma. Ambulans a presenta y polis tambe. Ambulans a transporta e hoben cu urgencia pa hospital ya cu e tin chance di perde su bista. E ultimo dianan aki esaki a bin ta sosode na Cashero, Piedra Plat y awe na Seroe Pita. Polis ta tuma e asunto aki hopi na serio y ta investigando buscando tur e camaranan di seguridad den e area menciona pa asina colecta evidencia di e acto cobarde aki.
