Diabierna atardi a drenta informe di cu un auto a pega na candela na Pos Chikito, mesora a dirigi tanto polis como bombero na e sitio. Na yegada di e bombero a bin compronde cu aki ta trata di un vehiculo di K.I.A. cu tabata transportando 2 cacho y nan a nota cu e oficial di K.I.A. mes a paga e candela cu un botter di awa cu e tabata tin. Un otro colega di K.I.A. cu tabata cerca tambe a yega y a yuda su compañero. Bomberonan a revisa cu e candela ta full paga y cu no tin peligro mas. Na yegada di e patruya ya bomberonan a bay caba. E 2 cachonan esun cu ta specializa pa localisa droga y e otro specializa pa detecta arma ambos a ser rescata na tempo door di e actuacion rapido di e oficial. Tambe a scapa e pañanan special pa ora di train e cachonan.
