Diabierna madruga a drenta informe di cu tin un persona cu no ta duna señal di bida den un camber na Caribbean Palm Village, mesora a dirigi 2 ambulans na e sitio. Na yegada di e 2 ambulans cu a bay prepara pa duna CPR (respiracion cardio pulmonar) despues di varios intento no a logra. Como cu e personal di ambulans a haya e asunto aki poco dudoso a solicita presencia di polis y un dokter na e sitio. Na yegada di e patruya nan a tuma tur detayes y a keda spera riba dokter. Ta trata aki di un persona masculino local di casi 50 aña. Na yegada di e dokter a haci un inspeccion na e victima y a bin constata un morto natural.
