Diabierna atardi a trobe a drenta informe di cu e caminda di tera na Balashi a ser blokea cu piedranan y obstaculonan riba e caminda. Na varios ocasion caba polis a bay atende cu e asunto aki pero e sospechoso ta bolbe blokea esaki. Polis a bolbe bay y e biaha aki atrobe cu D.O.W. pa kita esakinan y polis a bay papia fuertemente cu e sospechoso di fam R. y a informe cu si esaki bolbe ripiti lo bin consecuencia p’e!
