Bureau Rampenbestrijding Aruba pa medio di e comunicado di prensa aki kier a informa tocante e training Regional di Tsunami.

Caribe Wave ta un training cu ta trata e parti di tsunami cual ta wordo organisa anualmente pa e region di Caribe completo.

Aruba a participa na tur e Caribe Wavenan cu a tuma luga e ultimo añanan.

Pa 2021 Aruba su participacion lo ta den forma di un  functional excercise.

E communidad lo no nota nada particular den e training Carib Wave 2021, relaciona cu COVID 19 Crisis, no ta permiti Full Scale Exercise pa evita algomeracion.

Bureau Rampenbestrijding Aruba ta recorda na e communidad cu e training e biaha aki ta pa midi e tempo cu lo tuma pa pone tur e procesonan di e respectivo instancianan den funcion pa asina yega na un bista di e cantidad di bida cu lo por wordo scapa den un caso di un tsunami di e magnitud aki.

Tur esaki lo ta via digital pa asina Bureau Rampenbestrijding Aruba por midi e capacidad di resitencia cu Aruba ta disponible di dje combina cu un pandemia activo.

Importante pa e publico tuma nota tambe cu si durante e dia aki net ora di e training mester pasa un situacion real di tsunami cu lo ta un menasa pa Aurba, esaki lo wordo informa mesora na e publico cu esaki cu e informacion NO TA UN TRAINING pero un situacion real.

Bureau Rampenbestrijding Aruba hunto cu Meteo Aruba ta gradici na tur departamento pa na participacion.

Pa finalisa ta spera cu e training aki lo por habri e dialogo na cas, school, den comercio, organisacion etc. riba e topico di tsunami pa con prepara bo/nos ta den un caso cu un eventual tsunami presenta.

Nos tin nos plan? Kico pa haci? Kendenan nos por yuda?