Ricibi aki un carta cu nos a manda tanto pa Prome Minister, como na Parlamento di Aruba, na unda nos kier mustra nos preocupacion pa e situacion na Sero Teishi. Mas preocupa nos a bira na memento cu nos a tuma nota di loke ta e publicacion cu a wordo haci di Arcadis su bevindingen.Nos ta kere cu e contrastenan cu tin, nos tin cu kita e duda door di laga e Serlimar, cu ta e beheerder di Sero Teishi, haci su asesoramento independiente, door di un compania externo y no cu ta lia directamente na e compania cu ta percura pa ehecuta trabounan riba Sero Teishi. Esaki ta pa kita tur duda di posibel conflicto di interes. 

Nos ta spera cu e preocupacion y preguntanan cu tin wordo atendi, tanto dor di Gobierno di Aruba, pa medio di Prome Minister, kende tambe ta responsabel pa e cartera di maneho di desperdicion y tambe Parlamento di Aruba cu den cierto sentido parce di ta keto bay na soño ora di atende e topico delicado aki.

Nos ta manda adhunto tambe un collage di potretnan cu ta refleha e situacion di Sero Teishi na 4 momentopname, esta juni 2018, januari 2020, januari 2021 y maart 2021. E carta cu a bay ta splica e situacion mas detaya. Si boso ta desea potretnan mas separa, nos por manda esakinan tambe.
Nos ta spera cu nos Prensa por duna atencion na e cartanan manda aki. Di antemano danki pa boso cooperacion di semper.

Atentamente,Candelario (Booshi) WeverLider di UPP