Diamars merdia a drenta informe di un accidente na Morgenster, mesora a dirigi un patruya na e sitio. Na yegada di e patruya a bin nota cu aki ta trata di un accidente unda cu un chauffeur no a regula su velocidad ni a mantene distancia a bay dal tras di un auto. Como cu e chauffeur no tin rijbewijs polis tin e deber di detene e chauffeur. Polis a detene e chauffeur y a solicita presencia di e vehiculo di transporte di detenidonan pa asina a bay warda di polis cun’e.
