Diabierna ultimo den un sala di Aruba Marriott Resort & Stellaris Casino, e ekipo di Payroll Pro HRM a presenta e ultimo desaroyonan den e programa, pa un cantidad grandi di companianan rubiano. E invitadonan por a siña di e programamas uza na Aruba y Caribe, mientras disfrutando di un desayuno cu e chens di gana un weekendstay na e hotel cu a para anfitrion.
Den e presentacion a enfoca riba e importancia di tin ambos HR y Payroll completamente integra cu otro, pero cu functiescheiding, pa asina elimina uzo di papel y haci tur proceso mas eficiente. Tambe a enfoca riba e importancia di tin rapportnan corecto y accesibel na e instancianan oficial manera SIAD, SVB, y DAO.
Jane Wever-Vermaas di VCC International NV, e distribuidor di Payroll Pro HRM ta comenta: “E aña 2020 tabata ta uno cu hopi cambio pa esnan cu ta traha den payroll y HR. Cerca nos hopi yamada a drenta cu preguntantan manera: Con pa implementa e loonsubsidie y arbeidstijdverkorting den e payroll, con pa maneha un downsizing di un compania y tur otro cambio den e staff. Nos programa sigur por atende cu tur esaki facilmente, pero locual ta mas aprecia door di nos clientenan ta cu nos tin un team di consultants na Aruba cu ta cla pa yudanan dia nochi.
Alabes nos a ricibi hopi pregunta over di cierto rapportnan, manera Verzamelloonstaten cu mester wordo entrega na SIAD. Ta importante pa menciona cu ora SIAD ta haci un cambio den e layout of manera den cual e rapport mester wordo entrega, Payroll Pro HRM ta adapta y genera di biaha e rapport teniendocuenta cu e rekesitonan di SIAD. Esaki ta conta tambe pa tur rapport cu mester bay SVB y DAO”.
Teiry Croes di Gamma IT Solutions, e desaroyador di Payroll Pro HRM ta añadi: “Aruba sigur mester ta orguyoso di unprograma manera Payroll Pro, un software traha na Aruba, door di programmeurnan local y cu ta wordo uza extensivamente no solamente na Aruba pero tambe den henter Caribe. Esey ta bisahopi di nos potencial como un isla. Un aprecio grandi ta bay na e ekipo di Aruba Marriott Resort & Stellaris Casino, cu a haci un tremendo trabou pa percura cu tur nos huespuednan a sinti nan mes verwend y pa e evento aki ta uno exitoso”!
Payroll Pro HRM ta e programa di Payroll y HR mas uza naAruba, ta brinda companianan e oportunidad di tin tur data y documentonan di empleadonan di payroll y HR den un solo programa, pero ta duna acceso na e datonan aki segunfunctiescheiding.
