Diadomingo madruga a drenta informe di cu e alarma a bay on na un cas na Paraguana, mesora a dirigi un patruya na e sitio. Na yegada di e patruya ya e alarma no tabata sonando revisando rond di e cas polis a nota cu e porta patras banda di e washok tabata kibra y tur cos tabata reboltea. Polis a bay tira un bista patras di e cas den e mondi a bin haya algun pertenencia y hasta e alarm horn kibra. Polis a confisca tur esakinan y a solicita pa e departamento di investigacionnan technico y forensyco presenta durante oranan di mainta pa sigui cu e investigacion.
