Diahuebs atardi a drenta informe di un accidente cu hende herida banda di Natural Bridge, mesora a dirigi tanto polis como ambulans na e sitio. Na yegada di e patruya a bin compronde cu durante un off-road trip di turistanan cu UTV un di e vehiculonan aki a bolter poco pariba di Natural Bridge. Como cu e caminda ta inaccesible pa ambulans nan a bolter e UTV bek riba su wielnan y a core hunto cu un dama cu a reaulta levemente herida pa Natural Bridge. Eynan e personal di e ambulans den e rapid responder a atende e dama cu tabata keha di dolor pero no tabata kier ambulans.
