ORANJESTAD, Aruba – 03 di maart 2021: Aruba Bank a uni na Fundacion Movemento ta Bida y Setar pa den e projecto “Hunto grandi, grandi hunto” dedica specialmente na nos 60+.
E meta di e projecto ta pa informa y educa e comunidad 60+ arriba diferente tema importante cu tin di haber cu servicionan bancario y e solucionnan cu innovacion ta ofrece awendia pa tur cliente di banco. Cu e pandemia mundial, ta bira mas importante cu nunca pa tur cliente, tin acceso na nan cuentanan bancario for di na unda cu nan ta y ki ora cu ta, na un manera facil y sigur.
E charla ofreci pa Aruba Bank diamars mainta, a enfoca ariba kico tur ta encera online banking, y con e grupo di 60+ por haci uzo di dje. A splika cu Aruba Bank ta ofrece asistencia personalisa na tur sucursal pa e comunidad di 60+ na e Digital Lounges di banco. A splica tur esnan presente tambe con pa proteha nan cuenta bancario di Aruba Bank. E sesion informativo tawata uno hopi interactivo entre expertonan y e publico.
Representantenan di Aruba Bank tabata presente despues di e charla pa por a duna asistencia na cada miembro cu tabata desea di ricibi mas informacion ariba e topico nan menciona of cualkier otro topico.
Pa mas informacion tocante servicionan digital y asistencia personalisa na cliente por yama 527-7777 of bishita www.arubababnk.com<https://nam11.safelinks.protection.outlook.com/?url=http%3A%2F%2Fwww.arubababnk.com%2F&data=04%7C01%7CMichelle.Harms%40arubabank.com%7C5959c38215014543a13c08d8dcd209e1%7C38eba08df73f424b8c8db4be8bd88115%7C1%7C0%7C637502141954179594%7CUnknown%7CTWFpbGZsb3d8eyJWIjoiMC4wLjAwMDAiLCJQIjoiV2luMzIiLCJBTiI6Ik1haWwiLCJXVCI6Mn0%3D%7C1000&sdata=9tMcVo%2FjFhYuVsmxjfigIwkK6TDklj%2FG4R7T7xsbeDQ%3D&reserved=0>.
