Nan no kier a habri porta pa polis, te hasta a busca fiscal auxiliar pa drenta!
Diasabra anochi a drenta informe di cu tin musica duro ta sali for di un apartamento na Palm Beach, mesora a dirigi un patruya na e sitio. Na yegada di e patruya nan a nota cu ta un fiesta priva tin na un di e apartamentonan cu musica duro. Mirando cu tabata tin hopi auto a solicita presencia di mas patruya pa refuerzo. Na yegada di e refuerzo a bay bati na e porta pero nan no kier a habri porta pa polis. Polis hasta a pidi pa fiscal auxiliar bini na e sitio. Despues di un rato a habri e porta y polis a atende cu esnan presente a nota cu tabata tin mas di 40 hende na e fiesta aki. Polis a saca tur hende manda nan pa nan cas directamente ya cu tin toque de queda.
