Diaranzon mainta a drenta informe di un accidente cu hende herida na e rooi di Modanza, mesora a dirigi tanto polis como ambulans na e sitio. Na yegada di e patruya a bin compronde cu aki lo ta trata di un accidente semi-frontal unda cu chauffeur di e Honda Fit (auto recien cumpra) cu su papelnan no ta na ordo, sin seguro ni number paga y mucho menos rijbewijs lo a tuma e bocht mucho paden y cu velocidad halto bay dal semi-frontal riba e Chevrolet Spark di direccion contrario. E impacto tabata fuerte te cu e Honda Fit a bay dal riba e mata di kwihi. Debi na e impacto y movecion bruto e dama pasahero sinta patras den e Chevrolet Spark a resulta herida. Na yegada di e ambulans nan a atende e victima na e sitio mes y a consehe si e tin mas dolor bay dokter. Polis di trafico tini e accidente aki bou investigashon.

• 

• 

• 

• 

• 

• 

• 

• 

• 

• 

• 

• 

• 

• 

• 

•