Diahuebs atardi a drenta informe di cu a bolbe surgi un polemica na Chinese Club na Caya Ritmo, mesora a dirigi un patruya na e sitio. Na yegada di e patruya a bin compronde cu tin un grupo di chinese cu lo kier kita e maneho di e club for di e presidente actual legitimo, pero esaki no ta permiti. E club tin su statutonan y eynan ta para con ta eligi un presidente nobo, maneho diario, eleccion di un directiva nobo etc. etc. Pero e grupo aki kier regla e asunto aki per direct sin usa e articulonan den e statuto. Polis a papia cu e grupo y a splicanan cu nan mester bay via abogado etc. etc. Aparentemente e grupo no a keda contento y ta sigui cu nan intentonan. Nos a busca pa sa for di e presidente di e club si e ta na altura di e grupo aki y a haya sa cu club ta operando masha bon sirbiendo e comunidad chinese y tambe local, por a mira hopi esfuerzo di e comunidad di comerciantenan chinese apoyando e club y e maneho di e presidente den medionan di comunicacion.
