Diadomingo anochi polis ta nota un auto cu un banda di lus kima na altura di Bochincha, mesora ta bay su tras dun’e ordo pa para pero e chauffeur a purba sigui core pero a logra par’e toch na Ranchostraat. Eynan mesora a detene e chauffeur, ora a bay controla e papelnan di e vehiculo esaki no tabata tin su papelnan na ordo y a confisca esaki tambe ademas un poco substancia haya den e auto. Hunto cu e hoben den e auto tabata tin un dama cual polis a tuma su personalia y despues a laga e dama aki bay.
