Diadomingo mainta a drenta informe di un accidente cu hende herida na e cruzada Emmastraat/ J.G. Emanstraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu pa falta di preferencia di e auto cu tabata bayendo zuid y cu tabata bini for di Emmastraat no a para pa duna preferencia na esun bayendo pariba y nan a dal den e otro. debi na e impacto tin hende a resulta levemente herida pero como cu no tabata tin ambulans disponible ya cu tur 3 tabata ocupa na e momentonan ey e famianan mes mester a transporta e victima.
