Diaranzon mainta tempran a drenta informe di un accidente cu hende herida riba e green corridor pariba di e brug na Pos Chiquito, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur bayendo direccion pabao na dado momento a perde control, baha caminda y a bay drenta pida mondi. Debi na e impacto e dama chauffeur a resulta herida. Na yegada di e ambulans nan a atende e dama.
