Diadomingo anochi a drenta informe di un accidente cu hende herida und lo tin 2 motociclista benta riba caminda, mesora a dirigi tanto polis como ambulans na e sitio. Na yegada di e patruya a bin encontra cu un motociclista benta riba caminda banda pabao y su brommer mes benta mas panort riba e caminda banda pariba. E motociclista no tabata tin su helm bisti y a haya un hematoom na su frenta y tabata tin hopi rasca na man cu pia. E motociclista no sa mes kiko a pase. Na yegada di e ambulans mesora nan a atende y a transporte pa hospital. Testigonan a bisa cu un auto blanco a ser’e.

Nota di redaccion: E accidente aki ta poco straño ya cu na prome instante a papia di 2 motociclista herida y benta riba caminda y ora polis a yega a haya un so. Maske por ta posibel cu lo a wak e motociclista riba caminda y despues a wak e brommer mas alew. Pero e asunto aki ta trese duda.

• 

• 

• 

• 

• 

• 

• 

• 

• 

•