Diasabra atardi a drenta informe di cu tin un homber bao influencia di un of otro substancia cu kier bay sali cu auto for di e parkinglot di Barcelo, mesora a dirigi patruyanan na e sitio. Un rato despues a drenta informe di cu e chauffeur a coy Sasakiweg bay direccion pa Oranjestad. Riba Sasakiweg prome cu e rotonde un patruya a topa e auto y a para esaki. Ora cu polis a atende cu e chauffeur polis a ripara cu e no ta den condicion pa core auto y a detene pa a core auto bao influencia. Mesora a pidi pa e vehiculo di transporte pa hiba e chauffeur na warda di polis mientras a para su auto un banda di caminda.
