Diabierna mainta a sosode un accidente na Gasparito unda un chauffeur bayendo nort a perde control baha caminda y a bay dal 3 auto staciona banda di caminda, Polis net tabata pasando y a nota e accidente aki mesora nan a baha y a detene e chauffeur cual tabata basta bao influencia di alcohol. E chauffeur di e Nissan March tabata bayendo nort ora cu na e birada ela perde control baha caminda na e banda robez dal prome tras di un Hyundai Accent, sigui despues pa dal un Toyota Rav4 y finalmente dal riba un Hyundai Getz. Na yegada di e vehiculo di transporte pa detenido a hiba e chauffeur deteni pone den dje y a bay warda di polis cun’e. Departamento di trafico a presenta pa traha e rapport di e accidente aki.
