Diadomingo anochi a drenta informe di un accidente cu hende seriamente herida na Camacuri, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un motociclista coriendo cu un velocidad basta halto pa un motibo of otro a bay dal tras di un taxi. Debi na e fuerte impacto e motociclista a resulta gravemente herida y polis a pidi ambulans cu maximo urgencia. Na yegada di e ambulans nan a atende e victima y a transporte pa hospital. Polis a sera e caminda pa varios ora pa asina investiga kiko exactamente a pasa y hasta a solicita presencia di e investigadornan technico y forensyco pa bini na e sitio. Ultimo informe ta indica cu e motociclista ta interna den cuido intensivo ya cu ela haya basta sla na su cabez y cara, unda su cara a keda basta herida.
