A reparti 40 ticket so pa clientenan cu a bay paga impuesto, e otronan mester regresa otro dia!
Diaranzon merdia a surgi un problema na MFA na momento cu e security no tabata sa cu ta 40 ticket so lo reparti pa clientenan cu a bay pa paga nan impuesto y e security a pidi polis ya cu e hendenan tabata para riba otro sin mantene distancia y nan no tabata nada contento cu e security su forma di traha pesey a yama polis. Na yegada di e polis ta e polis mes mester a djies informa cu ta 40 ticket so lo reparti y e otronan lo mester regresa un otro dia. Na e sitio e security kier a impedi nos colaborador pa filma e suseso for di pafor y e polis a bisa e security cu aki na Aruba tin libertad di prensa y cu prensa tin e deber y derecho pa raporta tur suseso riba y for di caminda publico. Asina mes un otro empleado di MFA tambe a bini purba stroba nos colaborador y tambe a purba intimida nos colaborador pa haci su trabao. Pero eynan polis a bin bisa bon cla cu e tin cu atende cu su asunto y no aremete cu prensa.
