Ambos deteni pa violacion di toque de queda y e auto confisca!
Diaranzon madruga durante patruya polisnan atento di distrito 1 (Oranjestad) a nota un auto sospechoso conosi pa nan y mesora nan a bay para nan. A bin resulta cu den e auto tabata tin un homber y un muher 2 bon conosi di nan y ningun di 2 tabata tin permiso pa ta riba caya den oranan di toque de queda. Polis mesora a detene ambos y a bay cu nan na warda di polis mientras a confisca e vehiculo cu no tabata tin su papelnan na ordo.
