Diabierna anochi a drenta informe di un accidente cu hende herida riba caminda principal na Savaneta, mesora a dirigi tanto polis como ambulans na e sitio. Na yegada di e patruya a bin compronde cu un Toyota Yaris blanco a bini for di pariba cu velocidad halto y no a tuma nota cu e auto su dilanti un Nissan March a para na un zebrapad pa un ciclista cruza y e Yaris a bay dal tras di e March manda esaki dal e ciclista cu e bais. Door di e impacto aki e ciclista a resulta herida na su rudia. Despues di e impacto e Yaris a sigui core bay for di e sitio.
