Diamars anochi a drenta informe di un accidente cu basta daño material na Catiri, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un dama chauffeur di e auto Suzuki kende tabata core bao influencia bayendo zuid na Catiri a hala mucho na su banda robez y a bay dal riba e truck di bende bolo cu sa para pariba di e rotonde pero na e momentonan ey tabata bayendo cas. E impacto tabata fuerte y tanto e wiel banda robez dilanti di e auto como tambe e wiel robez banda patras di e truck a ricibi daño severo. Afortunadamente ningun hende a resulta herida. Polis a detene e dama chauffeur di e Suuki kende tabata bao influencia di alcohol.
