Diasabra madruga a drenta informe di un accidente na Pindastraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di e Peugeot 307, numera A72968 bayendo direccion pariba cu velocidad halto den Pindastraat a bay na banda robez di caminda subi acera dal riba cura di cas kibra esaki. Polis a nota cu e chauffeur ta basta cansa y polis a detene y a bay cune na warda di polis.
