Diamars anochi a drenta informe di un caso di destruccion na Ranvic na Avenida Milio Croes, mesora a dirigi un patruya na e sitio. Na yegada di e patruya a bin compronde cu aki ta trata di un caso unda e glas di e showroom tin daño cu lo a ser cometi cu 2 projectil. E gerente no a ripara esaki den dia pero den oranan di anochi ora ela sali pa bay cas a nota e daño y a bay revisa e grabacion di e camaranan di seguridad y a logra mira cu alrededor di 3’or di diamars madruga un auto a yega para otro banda di caminda cana bin na e glas di e showroom y a saca un arma y a los 2 tiro. Pero como cu aki ta trata di safetyglass esaki no a kibra. Polis a tuma e keho y ta investigando e caso ya cu tin camaranan di seguridad den e area specifico y esaki a graba tur cos.
