Cosnan straño sa pasa di berdad, durante e control di trafico cu e brigada motoriza a tene den oranan di atardi na e rotonde Madiki/Bushiri riba E.J. “Watty” Vos Blvd. e oficialnan a para un brommer cu tabata core cu un nummerplaat di auto riba su brommer na lugar di e number di brommer. Anto pa colmo number di aña pasa! Logicamente polis a confisca e brommer aki y a duna e motociclista un boet pa core brommer sin cu e documentonan ta na ordo y sin number.
