Despues cu e chauffeur a ripara cu e bumper cu e plachi number a keda atras ela regresa na e sitio di accidente pa evita su detencion
Diamars net prome cu merdia un oficial di e brigada motoriza pasando na Malmok a ser para y informa di un accidente hit & run na Malmokweg, mesora e oficial a mobiliza su mes pa e sitio. Na yegada di e patruya a bin compornde cu e chauffeur di e truck a bay pasa un auto KIA RIO bayendo direccion pariba y ora e tabata haci e maniobra ey ela sera e Kia Rio dal e cu e truck mande ay dal riba un cura di cas y kibra esaki. E impacto tabata fuerte y e chauffeur tabata keha di un poco dolor na su braza. Den e impacto ey e bumper di dilanti di e truck a ranca por completo y a keda benta atras na e sitio mientras e chauffeur a sigui core cu e truck y bay for di e sitio. Polis mesora a tuma e number A71777 y a laga controla esaki, a logra bin haya sa cu e ta pertenece na un compania di publicidad y tours na Alto Vista. Net poco prome cu polis a keda cla a presenta un persona admitiendo cu e tabata core e truck y a ocasiona e accidente. Polis a tuma su datonan y a keda di traha e rapport como tambe esnan di e roadservice tuma e fotonan y declaracionnan.
