Polis no a confia e storia pero pa tur seguridad a tuma nota di tur detaye!
Diadomingo mainta a drenta informe di cu tin 2 conocido di polis drumi den un auto y cu 4 wiel completo riba e sienta patras staciona dilanti un cas na Shiribana, mesora a dirigi un patruya na e sitio. Na yegada di e patruya a bin encontra cu e auto staciona y e 2 conocidonan sinta den e auto polis a lanta nan y a puntra di unda nan a haya e tirenan ey y nan a bisa di a cumpra esakinan cerca un persona na Sero Biento/Santa Martha. Mientras tanto un otro patruya a bay controla na e sitio pa confirma un ke otro. A bin resulta cu esaki ta e caso tambe. Pa tur seguridad polis a tuma nota di tur detaye pa si encaso ta un otro asunto despues di esey e personanan por a sigui drumi!
