MetaCorp ta un empresa significante den historia di Aruba
ORANJESTAD, Aruba – 16 di december 2020: Minister di Husticia, mr. Andin Bikker, ta felicita MetaCorp cu nan 100 aña di existencia. Un empresa cu ta nifica hopi den historia di Aruba.
Hopi cambio positivo riba diferente ramo. E mandatario a expresa cu un aspectonan cu semper tin di aprecia ta cu na momentonan bon como momentonan menos bon a sa di para fuerte y inverti den economia di Aruba. Aworaki mes por aprecia un inversion gigantesco un biaha mas den un tempo di pandemia.
Nan a caba di conclui un proyecto entre otro IMAX, pero tambe un aspecto di otro frankicianan introduci na Aruba. Ta di aplaudi y aprecia e empeño, pero tambe e confiansa den economia di e pueblo di Aruba. Pa e motibo aki e mandatario ta gradici y felicita Eduardo de Veer, Eddie de Veer, Gerardo de Veer, Wendell Bennett, Rick Timmer y tur staff di MetaCorp, e famia grandi di empleado cu ta duna nan aporte na tur e empresanan subsidiario di MetaCorp.
