Defensa ta pone mas medio i personanan disponibel pa sostené Wardakosta den
Region Karibe ku vigilansha di fronteranan marítimo. E esfuerso èkstra, ademas di na Kòrsou a keda ekspandé tambe na Aruba. E Militarnan ya pa bastante tempu ta hasi èkstra opservashonnan den Region Karibe pa por detektá na tempu, posibel yegadanan na kosta di personanan indokumentá.
Despues di un petishon pa sosten di Aruba, Defensa a disidí di sostené Wardakosta ku
opservashonnan di kosta. Anteriormente den e aña aki Defensa tabata hasi esaki kaba. E
sosten ku ya tabata kanando na Kòrsou a keda larga pa Gobièrnu di Kòrsou. Ademas di evitá ku esnan indokumentá ta hasi e traspaso pa e islanan ABC, hopi biaha ku botonan ku
no por soportá laman ganchu, e esfuerso aki ta funshoná tambe preventivamente kontra
di kontrabanda di droga i arma. Tantu militarnan di Karibe, konsistiendo di ARUMIL i
CURMIL, komo militarnan prosedente di e ‘32 Raiding Squadron (Batayon na Aruba)’ i e ‘Compagnie in de West (Batayon na Kòrsou)’ ta keda desplegá pa e tarea aki.
E esfuerso ta duna su frutanan. Asina ayera nochi, tambe pa medio di esfuerso di Defensa,
a detektá un yegada na tera di personanan indikumentá na Aruba. Aki a detené seis
persona. E sosten na e outoridatnan sivil ta un di e tres tareanan primordial di defensa den
Region Karibe. Esaki ta sosedé na diferente forma, di yudansa den kalamidat durante orkan, te na sosten di Polis òf Wardakosta.
