E mariniernan hulandes, tanto di Aruba como tambe e hombernan dori (manera nan ta ser yama) di Hulanda, ta intercambia conocimiento den e campo di operacionnan anfibio y di buceo, entre otro cosnan mas.
E ejercito estadounidense manera ya nos a informa a yega cu e avion C-17 diasabra pasa. Nan ta entrena na varios lugarnan (publico) den y cerca di e Kamp na Savaneta. Esaki ta tanto bao awa den lama como tambe riba tera. Debi na e excelente condicionnan di buceo na Aruba, e isla cu mucho gusto ta ser usa como un “centro di entrenamiento”. Aki ta posibel drenta den forma sigur den condicionnan controla.
E marineronan Estados Unidenses ta di e 2nd División di Mariniernan di Infanteria y ta bao e 2º Batallon di Reconocimiento, cu nan base na Camp Lejeune (Jacksonville, North Carolina). E mariniernan hulandes di e 32 escuadron di asalto ta entrena cada aña den e lugar di entrenamiento di 640 kilometer cuadra durante e entrenamiento yama “entrenamiento MOUT”, Operacionnan Militar den Terreno Urbano. Por lo tanto, e ejercicio den América ta ser denomina “Guerrero Urbano Caribeño”. E mariniernan hulandes y estadounidense ta entrena junto pa fortalece e lazonan entre ambos pais.
