Nos a descubri cu hopi hende no ta tuma e cos aki na serio, na supermercadonan y varios otro negoshi no ta controla e uso di e hand sanitizer.

Manera cu e segundo ola di e pandemia di coronavirus a cuminsa afecta Europa e extra-importancia pa keda saludable dor di manteniendo nos mannan limipi a regresa.

Pero a pesar di cu e virus tabata cu nos pa lunas, hendenan ainda no ta usa e handsanitizer y desinfectantenan apropiadamente.

Pa compronde e problema aki mihor, esakinan ta e grave error cu hendenan ta haci cu e hand sanitizer.

1. Hendenan no ta usa e hand sanitizer corectamente.

Pa mayoria di hende, usa un hand sanitizer kiermen djies un spuit di e liquido sigui pa frega e mannan na otro te ora e liquido seca.

Sin embargo, pa hand sanitize efectivamente, e proceso mester ta mucho mas completo, durando 20 – 30 seconde. Specificamente, un rutina bon pa hand sanitize mester ta manera ta sigui aki bao:

1.       Yena bo man cu e producto.

2.       Frega bo mannan na otro.

3.       Frega e parti patras di bo planta di man y memey di e dedenan.

4.       Frega e parti patras di bo dedenan.

5.       Despues dobla bo dedenan y frega nan den bo palmanan di man.

6.       .Despues gara cada duim y drey nan memey di bo dedenan.

7.       Despues gira e punta di bo dedenan den e palma di bo man.

8.       Continua e proceso aki te ora e producto seca ful.

2. Hendenan no ta usa e hand sanitizer disponible na tiendanan ni na otro sitionan social.

Kisas e problema mayor ta cu hendenan no ta usa hand sanitizer cu suficiente frecuencia.

Manera un comentarista riba social media ta indica, apesar cu su pais ta casi bayendo den un completo “lockdown”, “Sin embargo, mi ta mira hendenan cu no ta usa hand sanitizer manera ta ser rekeri drenta supermercadonan. Ta loco nan ta?”

3. Hendenan ta usa ineffectivamente e hand sanitizer.

Pa e uso effectivo (y safe) sanitize di e mannan, ta importante pa usa un producto apropia.

Pa mata e coronavirus esaki ta significa usa un producto cu ta contene un minimo di 60% alcohol. Aunke idealmente lo ta pa e gel desinfectante pa mannan of e desinfectante contene mas di 80% pa logra un confianza total den su eficacia.

Productonan cu menos di 60% di alcohol no tin suficiente poder di mata pa destrui e virus y “germs” y en cambio solamente por reduci un parti di e rapidez di e crecimiento di un virus of mata algun (pero no tur) den un grupo di “patogenes”. .

4. Hendenan ta usa liquidonan desinfectante na lugar di hand sanitizer.

Ya sea pa scapa placa of pa ignorancia, algun persona a adkiri e mal costumber di usa aerosolnan desinfectante y wipesnan antibacterial pa haci nan man limpi. Sin embargo, e productonan aki a ser diseña pa limpia “superficienan duro y no poroso” y Food and Drug Administration (FDA) di Merca no ta recomenda e uso di e productonan aki riba e curpa humano.

Si bon esaki por ta obvio pa mayoria di e poblacion, un encuesta recien haci pa e Centro Estadounidense pa e Control di Enfermedadnan (CDC) y publica den Juni di e aña aki, a haya cu, “E trinti-nuebe porciento (39%) a informa di a participa intencionalmente den al menos un practica no recomenda pa CDC pa e prevencion di e transmission di e Sars-CoV-2, incluyendo den e aplicacion di “bleach” na e alimentonan (por ehempel fruta y berdura) 19%; uso di productonan di limpieza y desinfectantenan domestico na mannan y piel (18%); spray curpa cu un spray limpiador of desinfectante (10%); inhalacion di vapor di limpiadornan of desinfectante domestico (6%); y bebe of haci hor cu solucionnan diluyi di “bleach”, awa cu habon y otro solucionnan di limpieza y desinfectante (4% cada un)”.

5. Hende cu ta bebe hand sanitizer.

Si bon den e encuesta di e CDC den e error #4 a bin encontra cu algun persona tabata hor cu productonan di limpieza, un mayoria chikito di persona incluso a bebe hand sanitizer.

Manera BBC a reporta for di India na inicio di e prome ola “al menos 10 persona a muri despues di a bebe desinfectantenan a base di alcohol despues di cu a sera e tiendanan cu ta bende licor”.

Si ta pensa cu e victimanan tabata alcoholiconan pober, e problema no ta limita na e nivel di Tercer Mundo.

Por ehempel un otro reporte di e American CDC, pidiendo, “… Americanonan pa no bebe hand sanitizers potencialmente mortal.” Specificamente, “E agencia a duna di conose detayes di 15 caso recien, incluyendo 4 persona cu a, 3 otro cu a perde bista y otro 8 persona cu a ser hospital despues di a ingeri e producto.”

Si bon den hopi di e casonan den e lista aki por parce extremo, of incluso un caso di seleccion natural den accion, probablemente cu nos tur por a comete error cu e desinfectante di man den algun momento desde cu e pandemia a cuminsa.

Esakinan ta tempo dificil y nos tur mester cuida nos mes pa mantene nos mes saludable. Pa haci esaki, nos tur mester cuida mas e forma cu nos ta tene nos mannan limpi. Y pa haci esaki, nos tur mester evita comete errornan cu e hand sanitizer.