Diabierna anochi a drenta informe di un accidente cu hende herida pa falta di preferencia na e cruzada Emmastraat/ Prof. Lorentzstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Kia biniendo zuid den Emmastraat no a duna preferencia na e Nissan cu tabata bini di pabao den Prof. Lorentzstraat. Debi na e impacto un persona den cada auto a resulta herida. Na yegada di e ambulans nan a atende e victimanan.
