ORANJESTAD, Aruba – 30 di october 2020:Alumnonan di Filomena College MAVO a ricibi un sorpresa unico di Aruba Bank. Representantenan di e banco a sorprende e muchanan cu varios computers.
Nos sociedad y economia ta cambiando diariamente y esaki ta conta tambe pa e dunamento di les. Esaki ta cana awendia man den man cu desaroyo tecnologico. Door di e situacion actual di Covid-19 cu nos isla ta pasando aden, e sistema educativo mester a wordo digitalisa na un manera eficiente y rapido.
Awendia alumnonan ta prefera di haci uzo di tecnologia moderno. Tin diferente beneficio pa incorpora tecnologia moderno. Algun punto cu ta importante ta:
- E tin efecto di motivacion pa haci trabounan diario;
- E ta duna e maestronan oportunidad pa duna lesnan mas duidelijk;
- Tecnologia moderno ta brinda oportunidad pa maestronan por guia alumnonan miho;
- Tambe por uza e tecnologia moderno pa haci oefeningen di scol y proyecto di e muchanan.
Aruba Bank ta orguyoso di yuda studiantenan den nan desaroyo haciendo uzo di e tecnologia moderno. Nos ta contento di a haci e donacion aki y cu tanto e scol como e studiantenan lo haci bon uzo di e computers nan.
