Diahuebs merdia a drenta informe di un accidente riba e caminda principal di Paradera na e T-weg di CITGO Paradera, mesora a dirigi un patruya na e sitio. Na yegada di e patruya a bin comprionde cu aki ta trata di un accidente entre dos vehiculo unda e Ford Ranger shinishi biniendo for di pabao a sortia pa bira na su man drechi pone señal tur cos y a cuminsa bira pero na ultimo momento a cambia di idea pero a lubida cu e otro chauffeurnan den trafico no ta adivina su intencion y un dama na stuur di un Honda CR-V a confia cu e auto cu señal poni lo ta bay bira y sin basila a subi caminda pa hay’e cu sorpresa cu e chauffeur a cambia di idea y a bin dal den dje. Daño material como tal ta grandi, varios piesa tira riba caminda benta sin lubida riba e trafico cu a stagna pa basta rato. Aunke e gasto material lo ta uno cuantioso, tin cu bisa cu e ta keda te na esey. Afortunadamente ningun hende a resulta herida.
