Diahuebs madruga a drenta informe di cu na Riu Palace lo tin un dama turista cu tabata “ spoorloos” (no localisable), mesora a dirigi un patruya na e sitio. Na yegada di e patruya a cuminsa cu un buskeda den e area, den parkinglot pero no a topa cu e persona. A bay paden pa busca mas informacion y for di testigonan a logra saca afo cu e dama turista lo tabata divirtiendo su mes den e casino di e hotel y eynan e lo a dal 2 drinks dimas y a perde strea di nort por completo. Polis a logra haya contacto cu e dama cu ta hospeda na e hotel, a bay te na su camber pa sigura cu e tabata bon, a papia cu n’e riba peliger y consecuencianan y cu tur esfuerso haci tabata pa evita lo pio.

Den e caso aki e final tabata uno feliz sin nada di lamenta, e dama turista di su banda tambe a compronde y a avisa di lo bay descansa su curpa cu sigur tabata basta cansa.