Polis a detene chauffeur di takelwagen pasobra e tabata tin un mucha muher cu ta bao curatela di e mama y a manda e takelwagen riba e mama ora e mama kier a saca su yiu for di e truck!

Despues di cu e informe a sali cu tin un ucha muher cu ta bao curatela y cu e ta perdi e mayornan a ricibi informe di cu e mucha muher aki ta den e takelwagen DT849 na Savaneta, mesora e mayornan a pasa e informacion aki na polis. Nan a topa e takelwagen aki y ora e mama a bay pa busca e yiu bao curatela e chauffeur di e takelwagen a manda e takelwagen den direccion di e mama cu kier a djies saca su yiu for di e truck. Polis a yega na tempo y nan a logra recupera e mucha muher y a detene e chauffeur di e truck. Polis a informa e doño di e compania di takelwagen pa e por pasa busca e truck ya cu e chauffeur a ser deteni.

Clarificacion:

Relaciona cu e caso aki un rato despues di e detencion e chauffeur a ser laga den libertad y a relata locual a sosode. Ela ser yama pa tow un auto fey Marriott pa Savaneta ora cu e tabata bahando e auto na Savaneta no tabata tin ningun hende den cercania di e truck. Ora ela keda cla e mucha muher a core subi den e truck y a pidi’e hib’e un poco mas pariba ey. Como cu e mester bay pa un otro job na Sanicolas y e peticion ta riba su ruta ela complace. Ora cu tabata subiendo caminda grandi ela mira un hende ta zwaai pero no a haci mucho caso di dje. Na caminda e mucha muher a cambia di idea y a puntra si por hib’e cerca un amiga di dje na Santa Cruz, como cu e ta biba na Noord ora e caba na Sanicolas y ta bay cas despues di Sanicolas ela accepta. Bayendo abao un auto particular y cu 2 auto di polis mas tabata su tras ela para na e rotonde banda di Drive Inn y eynan polis a detene. Pero despues di tur e splicacion polis a lague bay.

•