Diahuebs mainta a drenta informe di un problema entre bisinja cu a bay foi man na Bernhardstraat, mesora a dirigi patruya na e sitio. Na yegada di e patruya na e sitio a papia cu un dama di edad cu ta declara cu un dama hoben bisinja lo a bini serca dje discuti te agredi e cu un palo. Polis a tuma e declarashon aki y dibiaha a bay atende cu e dama hoben bisinja. Aki despues di a dialoga basta a logra na detene e dama hoben aki pa maltrato riba e dama di edad. Polis a instrui e dama di edad pa bay buska un rapport medico como tambe pa entrega un denuncia na recherche pa cu e maltrato aki.
