Diahuebs merdia a drenta informe di un caso di ladronicia di awa for di un adres pa un otro adres. Mesora a dirigi un patruya na e sitio. Na yegada di e patruya a bin haya emberdad un tubo di awa conecta na installacion di un adres na Hooiberg y cu ta cu e tubo ey ta sigui bai pa un otro cas. E tubo tabata visiblemente riba caminda ya cu e ta un tubo blanco y e tabata na bista di tur hende. Polis a yega y a wak e situacion y a yama recherge tambe pa bin sigui cu investigacion aki. Tanto recherge como e investigadornan technico y forensico tambe a bini na e sitio pa asina tuma nota di e situacion.
