Mesora e resort a wordo recertifica como e prome y unico carbon-neutral hotel
EAGLE BEACH, Aruba – Oktober 15, 2020 – Bucuti
& Tara Beach Resort ta e prome resort na mundo cu
a logra haal un 100% score for di Green Globe, un
organisacion cu ta representa e Standard
Internacional pa Sostenibilidad. Ademas di esaki,
Bucuti & Tara a caba di wordo recertifica como
carbon neutral y ta keda e prome y unico resort den
Caribe pa ta net-zero.
Green Globe Platinum: E unico score perfecto na
mundo den categoria di Hotel & Resort
Pa e di 20 aña Bucuti & Tara a haya su certificacion
di Green Globe. E propiedad semper tawata haya e
score nan di mas halto y tawata un leader den su
mision pa ofrece e vakantie y lugar di trabou di mas
sano y sigur pa su huespednan y trahadornan. E aña
aki e la logra alcansa perfeccion door di ta e prome y
unico na mundo cu a haya un score di 100% den e
categoria di Hotel & Resort.
E certificacion di Green Globe ta un evaluacion
structural di sostenibilidad di companianan di biahe y turismo y nan partners. Tur cos a
cuminsa na 1992 den un United Nations Rio de Janeiro Earth Summit ora 182 leader di
pais a reconoce como un grupo cu nos consumo di recursonan no-renobabel tawata
causando e degradacion di nos medio ambiente. Awe, Green Globe ta duna
certificacion, training y educacion na 83 pais y e Green Globe International Standard for
Sustainable Tourism, cu ta wordo forma door di criteria cu ta wordo acepta
internacionalmente, ta wordo reconoci door di The Global Sustainable Tourism Council
y Green Globe ta un Affiliate Member di UNWTO.
Te cu 2020 Bucuti & Tara su score di mas halto tawata casi perfecto na 97 punto. Pa
logra score 100 punto e aña aki, lo siguiente tawata necesario:
● Mehora e tecnicanan uza pa cuido di mata, door di uza fertilisante organico,
control natural contra raton y limpieza manual enbes di cu herbicida kimico
● Implementacion di un audit pa consumo di energia rond di e propiedad
● Discontinuando cu e colocacion di guia di telefon den cambernan
● Uzando key cards cu ta PVC-free; actualmente PET recicla ta wordo uza
● Instalando sensornan den baño di empleado
Testimonio di e CEO di Green Globe, un independent auditor
Green Globe a anuncia lo siguiente di parti di su CEO, Guido Bauer, reconociendo
Bucuti & Tara su logro:
“E ta cu hopi admiracion cu Green Globe por anuncia cu pa prome biaha den 25 aña di
nos programa di sostenibilidad, nos tin nos prome certificacion 100%. Bucuti & Tara
Beach Resort semper tawata un leader den turismo sostenibel y e ta e prome pa haal
un score perfecto, cumpliendo, y te asta den algun caso, superando e rekisitonan di nos
criteria. “Nos ta reconoce e dedicacion di ful e Bucuti team, cu a tuma un interes
personal den haci lo mihor cu nan por pa contribui na e proteccion di nos medio
ambiente, e recompensa economico pa nos comunidad y e celebracion di preservacion
di cultura y patrimonio local. “Tambe mester duna un reconocemento special na e
propietario/CEO di Bucuti & Tara Beach Resort, Ewald Biemans, pa su comprension di
e importancia y valor di sostenibilidad, locual a crea un cultura di management cu ta
extende hospitality transmiti na su huéspednan te na un atencion cu ta cuida e precioso
destino di e isla di Aruba.”
“Bucuti & Tara Beach Resort ta un ehempel di sostenibilidad den ful Caribe y awo e ta
ricibiendo Green Globe su prome score perfecto entre tur compañia turistico
mundialmente,” ta wordo conta door di K. Denaye Hinds, LEED AP y Accredited Auditor
di Green Globe kende ta conduci Bucuti & Tara su recertificacion anual. “Nan ta
continua di reta nan mes aña tras aña pa asina por incorpora e guianan estableci den e
programa di Green Globe y otro certificacionnan importante, pa asina e experiencia y
cuido di su huéspednan, lugar di trabou pa su trahadornan y e procedementonan di su
bendedonan no ta wordo comprometi, pero, encambio, ta transmiti nan gran
consideracion pa nos medio ambiente”.
E prome y unico resort carbon-neutral den Caribe
Na Augustus 2018, Bucuti & Tara Beach Resort a logra su meta di hopi tempo locual
tawata pa bira carbon neutral. Nan prome certificacion a demonstra un offset di
853tCO2 compara cu e aña prome. Semper mirando pa dilanti, e resort a cuminsa
dibiaha cu su lucha pa bira carbon negative. Pa e recertificacion di 2020, na unda nan
ta calcula e diferencia cu e aña anterior y no ta inclui e ultimo lunana unda actividad
tawata menos door di COVID, nan offset a baha cu 719 tCO2. Desde 2017 te cu 2019,
Bucuti & Tara a mantene su 97% occupancy annual, pero asina mes a logra baha nan
offsets cu mas di 15%.
“E logro aki di a haal e prome score perfecto di Green Globe y hayando nos
recertificacion di carbon-neutrality, mientras cu nos ta continua di reduci nos carbon
offsets ta refleha e compromiso comparti di cada trahador di Bucuti & Tara Beach
Resort, nos bendedonan y nos huéspednan increíble,” Ewald Biemans, propetario/CEO
di Bucuti & Tara Beach Resort ta conta. ”E certificacionnan ta e ‘best practices’ cu tur
hotel por implementa como un guia den nan mes un trayecto pa brinda biahenan
responsabel na nos medio ambiente”.
Pa haya sa mas, bishita Bucuti.com
