Aruba ta riba e bon caminda pa combati e virus
E siman pa drenta e di dos mita di october a habri cu un desaroyo hopi positivo pa loke ta trata cantidad di casonan di Corona Virus na Aruba. E average di e cantidad di casonanpositivo di siman pasa tawata na 16 pa dia compara cu un lunapasa na unda e average tawata na 85 caso pa dia. E cantidad di casonan positivo a baha bou di 400. Dialuna e total tawata na e total di 375. Tin 14 persona interna na Hospital di cua 4 ta den cuido intensivo. Esaki ta haci cu Hospital por bay bek na dunacuido regular.
“Danki na e dedicacion di nos profesionalnan, e disciplina di comunidad di Aruba nos ta logrando baha e cantidad di casonan un biaha mas. Tin algun hende cu no ta realisa e seriedad di e crisis aki, pero e gran gran mayoria di nosciudadanonan si ta realisa esaki, y pa esaki mi kier gradici tur esnan cu ta demostra disciplina y ta encurasha tur otro pa realisa cu hunto so nos por combati e plamamento di Covid-19”, Prome Minister a enfatisa.
Prome Minister ta sigui recorda comunidad tocante e reglananimportante di con nos por sigui demostra disciplina: Esakinanta wordo ripiti constantemente pa asina cada ciudadadano kedademostra disciplina y guia otronan pa mantene disciplina pahunto nos combati e virus. • Limita bo movecionnan mas tanto posibel, • Respeta e samenscholingsverbod, evita aglomeracion, • Aplica e reglanan di higiena, di laba man mas frecuente cu ta posibel of uza handsanitizers,• Tene distancia di otro, y uza bo tapaboca semper paden den establecimentonan y oficinanan,• Y si bo ta sinti malo, keda paden, yama bo dokter di cas y e lo guia bo.
“Nos por logra baha e cantidad di casonan activo y combati e virus aki, door di aplica e reglanan aki. Riba nan mes, no ta cosnan dificil pa haci. Nos ta bringando un enemigo cruel y invisible. Pero e arma pa bring’e ta na alcanse di nos tur”, Prome Minister Evelyn Wever-Croes a enfatisa.
