Diaranzon mainta un di nos colaboradornan tabata pasando dilanti di D.P.L. na Engelandstraat a nota cu e trahadornan tabata saliendo y a baha pa puntra kiko tabata pasando, mesora e colaborador a para banda di e porta y a haya e holor di algo ta kima. Ela puntra si a avisa autoridad caba y un di e trahadornan a bisa cu si. Despues di basta rato a ripara cu ni polis ni bombero a presenta y nos a yama pa avisa bomberonan kendenan a bisa cu nan y ni Central di Polis no a ricibi ningun yamada di eynan. Pero awor cu nan a haya sa ta bay manda un unidad. Na yegada di bomberonan na e sitio a nota cu a evacua e trahadornan y a bin constata cu aki ta trata di un compressor di un machine di ijs a pega y e fanbelt a keda drey y a kima sacando un holor desagradable e insoportable y toxico pa salud si esaki ser inhala pa ser humano pa un periodo largo. E lugar a ser laga habri pa aire pasa lo wak si pa merdia e trahadornan por regresa of e dia siguiente.
