Despues di impacto ela sigui core bay dal 2 cura di cas kibra.
Diadomingo atardi a drenta informe di un accidente cu hende herida y pega den auto na Sabana Liber, mesora a dirigi tanto polis, ambulans como tambe e equipo di rescate di bombero. Na yegada di e patruya a bin compornde cu aki ta trata di un accidente unda e dama chauffeur di e Toyota Celica blanco biniendo for di pabao a bay bira na man robez pa bay na e caminda di Alto Vista pero no a tuma nota di e Nissan March cu tabata bini di pariba y nan a dal frontalmente riba otro den e impacto aki un di 3 auto cual tabata para na e cruzada aki a haya un golpi di e Celica, di un of otro forma e dama chauffeur di e Celica a purba sigui core pero a perde control y a bay dal 2 cura di cas y den e impacto aki e dama a keda pega den e auto. Na yegada di e equipo di rescate di bombero nan a corta e auto pa asina por a logra saca e dama herida. E personal di e ambulansnan a atende e dama aki y mientras na yegada di e rapidresponder a atende e chauffeur di e March kende tambe a resulta herida y na yegada di otro ambulans a tuma e victima di e March over y asina e 2 ambulansnan a transporta e 2 victimanan pa hospital.
