Oranjestad – 01 di october 2020- Durante luna di september, Aruba Bank ta celebra su di 95 aniversario. E departamento di recurso humano na Aruba Bank a introduci initiativanan pa empleadonan por a disfruta di e gran celebracion na un manera sigur.
E esfuerzo a enfoka ariba creatividad y trabou den ekipo. Entre otro a introduci competencia di decoracion di tapaboca caminda cu e creatividad di empleadonan a sobresali. Departamentonan a decora e diferente porta di oficina na tur sucursal di Aruba Bank. Akinan trabou den ekipo a hunga un rol hopi importante pa por a ehecuta e tarea. E panel di huradonan tabata tin un trabou dificil pa saca e ganadornan.
Empleadonan a haña e oportunidad tambe pa demonstra nan talentonan scondi. Esaki por tabata di talento scondi den cushina te cu un talento scondi den arte, canto of baile. Esaki a wordo comparti via imagen of video.
A clausura e luna di celebracion cu un dushi treat y un mira ariba e celebracion di e aña venidero den bon salud y den unión di e famia di Aruba Bank, DEN GRANDI!
