Diabierna anochi a drenta informe di un accidente na e crusada di luz di trafico Palm Beach, mesora a dirigi patruya na e sitio. Na yegada a bin constata cu aki ta trata di un accidente pa falta di preferencia unda cu chauffeur di un Ford Titanium A-7081 bayendo pariba no a duna preferencia na un Mitsubishi Lancer A-39242 bayendo nort y a causa e accidente. Aki e chauffeur di e Lancer mester a maneobra pa para si vehiculo debi cu e impacto a mande dal den palo di luz di trafico kitando e bumper patras di e auto prome cu ela spin y para mitar riba acera un distancia mas leu. Afortunadamente ningun persona a resulta herida pero si danjo material tabata hopi.
