Diahuebs atardi a drenta informe di un accidente riba caminda di Savaneta poco pariba di Ritz, mesora a dirigi tanto polis como ambulans pa e sitio. Na yegada di patruya na e sitio a bin constata cu aki ta trata di un accidente unda cu dama chauffeur di un Hyundai Santa Fe no a regula su velocidad ni a mantene distancia y a bay dal tras di un ambulans cu tabata su dilanti bayendo pabao. Otro ambulans a bini na e sitio y a atende cu e dama chaufffeur. Segun informe haya na e sitio e impacto tabata uno fuerte cu a lanta e parti patras di e ambulans completo riba impacto. E vehiculo di ambulans envolvi den e accidente a net ser buska di garage despues di su servicio routinario.
