Den e conferencia virtual di e asamblea general di NacionanUni: “Mi compromiso ta pa reactiva nos economia y reconstrui nospais”
Diamars 22 di september, Prome Minister Evelyn Wever-Croes tawata tin e oportunidad unico pa ta panelista na e World Economic Forum Sustainable Development Impact Summit, specificamente e panel, Rebuilding Travel and Tourism. E panel tabata modera pa Jacqueline Gifford, Editor-in-Chief, Travel & Leisure Magazine. E conferencia ta tumaluga den e simannan di e asamblea general di Nacionan Uni.
Aunke e conferencianan ta di corto duracion, e participacionna e tipo di foronan aki riba nivel mundial ta di sumaimportancia pa Aruba, especialmente awor cu Aruba mesteratrae mas tanto inversion internacional cu ta posible.
Ta den e panelnan aki, riba un escenario mundial, cu un participacion grandi di sector priva, cu Aruba ta lograsobresali cu su vision pa nabega nos pais den un rumbo nobo. Pues creando e visibilidad aki ta brinda oportunidad pa Aruba.
Prome Minister a contesta varios pregunta cu a wordo lansaden su direccion. E interes pa sa con Aruba ta para cu turismo, salud publico y economicamente, tawata hopi grandi mas ainda con Aruba ta maneha den e crisis. Prome Minister a duna di conoce cu ta un prioridad grandi pa Gobierno di Aruba crea un ambiente cu ta trece visitante y inversionnan papone nos economía draai atrobe.
Ampliamente, Prome Minister a papia di e masterplan ‘Reposicionando e Rumbo di nos pais’. Un masterplan cu a wordo traha danki na e esfuerso incansabel di mas di 125 profesional di sector publico como tambe sector priva, cu durante mas di 175 sesion a duna nan conocemento y experticio pa asina crea, den temporada cu nos pais ta enfrentado reto grandi, un plan pa un futuro resiliente paAruba.
Den un epoca unda cu situacionnan ta cambia den forma acelera, un acercamento flexibel y pragmatico ta wordoconsidera esencial. Por indica cu hustamente e proceso di implementacion en cuestion ta enfoca riba 5 asina yamaproyecto di aceleracion unda cu a scoge e proyectonan akia base di nan impacto positivo, sosten y urgencia di implementacion manera indica door di varios actor.
E 5 proyectonan ta: (1) reforma di ley laboral y mercadolaboral, (2) eliminacion di asina yama ‘red-tape, (3) reformafiscal, (4) implementacion di trayecto di e-government, I.D digital y un plataforma digital sigur pa intercambia ‘data’ y (5) reforsa capacidad legislativo y innovacion den regulacion.
Prome Minister un biaha mas dignamente a representa nos país e biaha aki den un foro virtual y hopi importante pa nos país. Prome Minister na final di e sesión a enfatisa: “Mi compromiso ta pa reactiva nos economia y reconstrui nospais”.
