Diadomingo mainta a drenta informe di un accidente na Tres Trapi na Malmok, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un Hyundai Tucson cu tabata staciona scuchando su musica cu volumen basta halto y a haya un auto ta bin para na banda drechi di dje hopi pega y ora cu e chauffeur di e Tucson a bay sali e mester maniobra pasando hopi cerca di un otro auto para na banda robez di dje y ora ela bay sali ela dal e otro auto. E chauffeur mes no a sinti nada pero testigonan a haci seña cun’e indicamdo cu ela dal e otro auto. E chauffeur di e Tucson a busca e doño di e otro auto pa asina atende cun’e. Aunke e sla tabata minimo a yama seguro pa atende e accidente aki.
